حبة فوق .. حبة تحت

حلقة مؤثرة جداً عرضت من كام يوم في برنامج "معكم منى الشاذلي" مستضيفة ٦ من ممثلين البرنامج الكوميدي SNL بالعربي. و الحلقة أخذت منعطف مختلف عن المتوقع من الضحك و الهزار، بالعكس الحلقة كان فيها جرعة من الحقيقة و الألم من القصص الحقيقية لل٦ أبطال. قصص بتؤكد إن الحياة لكل الناس حبة فوق و حبة تحت على رأي عدوية. ٦ أشخاص ب ٦ قصص متخطرش على البال. لو بتحبهم كممثلين كوميديانات أو لو مش بتحبهم، لك حرية الإختيار. بس أنا واثقة إن بعد الحلقة دي و المقال دا هتحبهم كإنسان بيلهمك في حياتك مهما كانت صعبة.

و من ال٦ قصص دول أنا شخصياً أتعلمت حاجات كثير أهمها:

• الحياة صعبة.

• الإصرار هو السر للنجاح.

• تحقيق الأحلام بالسعي و بس.

إسلام إبراهيم .. من دمياط و خديج أداب قسم لغة عربية. أشتغل أخصائي تخاطب لأطفال ذوي القدرات المختلفة لمدة خمس سنوات. رغم حبة للتمثيل، أهله رفضه الفكرة تماماً بس لما أشاغل في القاهرة بدأ يدرس فس ورش تمثيل.

محمود الليثي .. من إسماعيلية و نزل القاهرة عشان يمثل مخصوص. كان مهندس في بورسعيد ميسور الحال بيحلم يكون ممثل فبدأ من ورشة خالد جلال. بقبل العرض النهائي للورشة بفترة قرر يسيب الهندسة و يركز في التمثيل. بعد القرار دا بشهرين أشهر إفلاسه و مفيش شغل. وصل الحال إنه بيقسم الإندومي على يومين عشان مافيش فلوس. وصل الحال بإنه يشارك غرفة فوق سطوح مع ٢ من أصحابه.

يارا فهمي .. طول عمرها وزنها زيادة و تعرضت للتنمر كثير، برغم أنها عايزة تمثل من و هي عندها ٧ سنين بس كانت دايماً شايفه نفسها مش كفايا بسبب التنمر. ف بدأت تمثل على مسرح جامعة القاهره و هي بتدرس إعلام هناك. بس بما أن التمثيل مش بيجي بالساهل ف أشتغلت الأول في call center و التسويق و الدعايا و الإعلان لحد ما بدأت تمثل في البرنامج.

نانسي صلاح .. موديل إعلانات بالصدفة عشان توصل لمامتها بعد ٢٧ سنة ميعرفوش حاجة عن بعض. بعد إنفصال الأب و الأم، الأب خطف البنت من حضانة الأم و منعها من أنها تشوف مامتها. لحد ما تعبت بفيروس في المعدة لمدة ٧ شهور، وصل وزنها ل٤٧ كيلو في وسط تصوير البرنامج و هو دا نفس وقت ما أمها وصلت لها.

توني ماهر .. طول عمره ممثل في الكنيسة و بعدها في قصور الثقافة و بعدها في الجامعة و الفرق المستقلة. أصلاً خريج حقوق بس بيشتغل في فندق و بيتابع ورش خالد خلال في الأوبرا. و بعد ما قعد ٩٠ يوم بيروح كل يوم يشوف في الأوبرا التقديم و القبول لورشة خالد جلال، إكتشف إن كل الناس أتقبلت خلاص. مفقدش الأمل وراح يشوف، ف قالوا له خاليك علي الwaiting list. و فعلاً بعد أسبوع كلموه عشان يبدأ معاهم. و الحياة مكنتش وردي عشلن أهله رافضين التمثيل ساب البيت و راح يعيش مع الليثي في الأوضة اللي فوق السطوح.

أحمد سلطان .. خريج حقوق و معهد فنون مسرحية، بس أشتغل مهندس زراعي فترة من الزمن و معاها شغلانات تانية كمان كل ما الدنيا تضيق لحد ما وصل للتمثيل.