هتصدقوا لو قولت لكم إن البنت اللي في الصورة دي بتخاف من الكلاب طول عمرها عشان كان في كلب كبير بتاع حراسة هيعضها و هي صغيرة. أه والله زي ما بقولكم كدا! أنا و أنا صغيرة و عندي ٣ سنين كنت عند قرايبنا و بلعب في الجنينة من فير ما أعرف أن الكلب مش في بيته و بيتمشى. و كل الكبار كانوا قاعدين جوا بيشربوا شاي و قهوه و قافلين عشان التكيف. و فاجأه لقيت الكلب هيعضني من كتفي و قعدت اصوت باعلى صوت لحد ما سمعوني و دخلوني بسرعه قبل ما يعضني فعلاً.
تفوت السنين و انا عندي فوبيا من الكلاب، بيجيلي panic attacks كل ما أشوف أو أسمع كلب. لو في كلب في الشارع مستحيل أمشى في الشارع دا خالص. لحد ما في يوم كنت معزومه على الغدا عند صاحبتي و سمعت كلبتها من و أنا على الباب و هي بتهوهو! و كنت خايفه جداً أدخل البيت. بس أول ما الباب أتفتح لقيت الكلبة هي اللي بتستقبلني و فرحانه أوي. حاولت أتخطى خوفي و طبطبت عليها. و من ساعة ما طبطبت عليها و إحنا قاعدين سوا طول القاعده و أنتهت بالحضن اللي في الصوره دي.
و بجد اليوم دا كان فاصل في حياتي، من بكره الكلاب ل بطلت أخاف من الكلاب. اه مش بموت فيهم بس مش بخاف منهم، و بصراحه في انواع معينه (الصغيره دي) بحبها أوي.
الحيوانات المنزلية الأليفة( الكلاب والقطط) من اروع المخلوقات..بل واضعفها... انا عندى قط اولية عناية ورعاية واهتمام مثل اى فرد فى الأسرة..