هو احنا ممكن نتعامل بجد علي ان "كلنا إنسان" .. مش مهم الدقن و الحجاب و الخمار و النقاب و الاخوان و السلفي و الليبرالي و المسلم و المسيحي و اليهودي و الملحد و الراجل و الست و الأبيض و الأسود و الفقير و الغني .. بس بجد مهم الانسان نفسه!
يعني خلي الconcept ببساطة إن "كلنا انسان" ماحدش احسن من حد و كلنا واحد."كلنا انسان" بس بنحاول نختلف عن بعض علشان نتميز و نكمل بعض، مش الغرض ابدا اننا نتفرق و نكره بعض.
ما تخلي السعادة عادة و أفضل دايماً مبسوط في وش كل إنسان. لو فضلت مبتسم هتخلي بني أدم تاني يبتسم و يتبسط و كمان يكون في طاقة إيجابيه بدل التكشيرة اللي علي وشوش الناس دي. أصل فكرة الkarma دي حقيقه جداً. أي حاجه بترميها للدنيا بترجع تاني تتحدف ف وشك. جرب ترمي سعادة و حب و حرية و إحترام و نجاح و احلام و تعاون و حاجات حلوة كتيرة ف الدنيا ترمي نفس الحاجات دي ف وشك من تاني. بس لو رميت حزن و هم و تعاسه و نكد .. الدنيا هترمي نفس الحاجات دي ف وشك .. و انت اللي بادي و البادي اظل!
Comments